Monday, May 9, 2016

பெண்ணல்ல நீ எனக்கு

"..பெண்ணல்ல நீ எனக்கு.."
..
நாள் தவறி போனதே என
நீ வெட்கத்தோடு உரைத்ததும்..
மார்பில் முகம் புதைத்ததும்
மேடிட்ட வயிறு கண்டு
முத்தமிட்டு சிரித்ததும்..
புளிப்பு மாங்காய் வேண்டுமென
காதோரம் சொன்னதும்
கண்ணுக்குள் ஆடுதடி..
மூன்றாம் மாதம் முதல்
நீர் இறைக்க தடை போட்டேன்..
ஐந்தாம் மாதம் முதல்
கனம் தூக்க தடை போட்டேன்..
ஏழாம் மாதம் தனில்
சீமந்தம் செய்தார்கள்..
மஞ்சள் பூசி, வளவி இட்டு
திருஷ்டி சுற்றி போட்டாலும்
போய்விடுமா உன் அழகு தாய்மையில்..
ஆண்டவன் இருந்திருந்தால்
அப்பொழுதே கேட்டிருப்பேன்
ஏன் படைத்தாய்
ஆண் எனவே மண்ணில் என்னை?
தினமும் மாலை கை கோர்த்து
நடை பயின்று..
இரவெல்லாம்
கண் விழித்து மடி மீது
உறங்க வைத்தேன் தாயென்றே உனை..
நாட்கள் நெருங்க, நெருங்க
கலவரம் கண் மறைத்து
நம்பிக்கை கை பற்றி
மார்பனைப்பேன் என் உயிரே..!
இறுதியாய் பல் கடித்து
வலியென நீ புலம்புகையில்
ஊர்தி கொண்டு அவசரமாய் மருத்துவமனை
வரும் முன்னே
வியர்த்தொழுகும் முகமெல்லாம்..
சில நொடி பொழுதுகளில்
வந்தனரே உன் தாயும், என் தாயும்
உறவினரும் நண்பருமாய்..
தனியறைக்குள் நீ செல்ல
கதறும் ஒலி கேட்டு தாங்கவும்
முடியாமல் தனியிடம்
அமர்ந்திருந்தேன், கண்ணீரும் இல்லாமல்
நினைவெல்லாம் உன் பிம்பம்..
அவசரமாய் தாதி பெண் எனை அழைக்க
ஓடி வந்தேன்
உள் வர சொன்னாயாம்..
சொல்லி விட்டு போய் விட்டால் மின்னல் கீற்று போல..
பல் கடித்து வேதனையில்
பக்கத்தில் வாவெனவே முககுறி தனில் எனை
அழைத்து கைபற்றி கொண்டாய்..
இறுக்கும் கைகளில் உன் வேதனை நான் உணர்ந்தேன்
இருந்தும் என்ன செய்ய இயலவில்லை
உன் வலி நான் பெறவே,
ஆர்ப்பரித்து அடங்கியதும்
அரை நினைவில் நீ சிரித்தாய்
பிஞ்சு முகம் காணும் முன்னே
நெற்றி ஒதுக்கி முத்தமிட்டேன்
ம்ம்ம்.. நீ எனக்கு உயிரடி..!!
பெண் குழந்தை நீ பெற்றாய்
பேரின்பம் நான் பெற்றென்..
முகமெல்லாம் உன் வடிவம்
நிறம் மட்டும் பொன் எழிலாய்
நீ கொஞ்சம் கண்ணயர்ந்த வேளையில்
வெளியே வந்தேன்..
அதுவரை கட்டி வைத்த
கண்ணீர் எல்லாம் கரை தாண்டும்
காரணம் நான் அறியேன்
புரியவில்லை அக்கணம்..
வாரி எடுக்க வந்தார்கள்
உன் தாயும் என் தாயும்
யாரிடம் கொடுக்க?
யாரிடமும் வேண்டாம்
முதல் சொந்தம் அவளுக்கே
சொல்லி விட்டேன் என் முடிவை..
30 வினாடிகள்
கண் விழித்து தேடினாய்
மகளை அல்ல என்னை
கை பற்றி மூத்த மிட்டாய்
பின் ஏந்தினாய் பெண் பூவை..
பெருமையாய் பார்த்தாள் என் தாய்
பொறாமையாய் பார்த்தாள் உன் தாய்..
இருவரும் பெற்றதில்லை
இந்த பாக்கியம் என..
அவனைவரும் இனிப்பு கேட்டு
வாங்கி கொடுத்த பின்
கலைந்தது கூட்டம்..
தனியே நீயும், நானும்
எனக்கு எங்கே இனிப்பென்று
நான் கேட்க .. இறுக கரம் பற்றி
இதழோடு இதழ் பொருத்தினாய்..
ம்ம்ம்.. இதை விட பேரின்பம்
பெறுவேனோ சொர்க்கமதில்..???
"..பெண்ணல்ல நீ எனக்கு.."
குல தெய்வம் அல்லவோ..!

மண் பாண்ட சமையல்

.
சமைக்கும் நேரம் அதிகம் ஆகாதா?
கேஸ் அடுப்பில் சமைக்கலாமா?
அனைத்து உணவுகளையும் மண்பாண்டங்களில் சமைக்க முடியுமா?
இலகுவாக பாத்திரத்தை சுத்தம் செய்ய முடியுமா? - இப்படி பல கேள்விகள்....

தாராளமாய் கேஸ் அடுப்பில் சமைத்துக்கொள்ளலாம். அலுமினியம், அல்லது சில்வர் பாத்திரங்களில் சமைப்பதைவிட பத்து நிமிடங்கள் அதிகம் ஆகும் மண்பாண்ட சமையலுக்கு,

ஆனால் 10 நிமிடம் முன்னதாகவே நாம் அடுப்பை அணைத்துவிடலாம். மண்சட்டியில் இருக்கும் சூட்டிலேயே அந்த பத்து நிமிடங்களில் முழுவதும் வெந்துவிடும். கேஸ் செலவு மிச்சம்...!!

கேஸ் அடுப்பில் சமையல் செய்வதால் மண்பாண்டங்கள் கரிபிடித்துக்கொள்ளாது. சுத்தம் செய்வது சுலபம்.

அலுமானிய பாத்திரங்கள் நச்சுத்தன்மை உடையது. அதை சூடுபடுத்தும்போது அதிலுள்ள நச்சுக்கள் உணவில் நிச்சயம் கலந்துவிடும்.

சாதம், குழம்பு, கீரைகள், ரசம், என அனைத்தும் சமைத்துக்கொள்ளலாம்.

தோசை,ஆப்பம், ஆம்லேட் போட கூட தற்போது மண்பாண்டங்கள் வடிவமைக்கப்பட்டு விற்பனைக்கு வருகிறது.

மண்பாண்ட சமையல் என்பது சுவையை மட்டுமல்ல. அது ஆரோக்கியத்தையும் ஆதாரமாக கொண்டது...!!

பாரம்பர்யத்தை நோக்கி திரும்பினால் மட்டுமே இனி நம் ஆரோக்கியத்தை மீட்டெடுக்க முடியும்......!!

ஸ்ரீ சாயி கட்டளைகள் Sri Sai Commands

ஸ்ரீ சாயி கட்டளைகள்
சாயி கட்டளைகள்:
1.என்னுடைய பாதையில் வந்து பாருங்கள்.உங்களின் பாதைகள் எல்லாம் திறக்கப்படும். 2.எனக்காக செலவழித்துப்பார்,குபேரனின் நிதி உனக்காக திறக்கப்பட்டு விடும்.
3.எனக்காக வீன்பழி வாங்கிப்பார்.உனக்கு அனுக்ரகமழை கொட்டும்.
4.எனனுடைய வழிக்கு வந்து பார் உன்னுடைய நலனை நான் பார்த்துக்கொள்கிறேன். 5.மற்றவர்களுக்கு என்னைப் பற்றி கூறிப்பார், உன்னைப் புனிதமாக்குகிறேன்.
6.என் வாழ்க்கையை நினைத்துப்பார்.உன்னுள் ஞானத்தை நிரப்புவேன்.
7.என்னை உன் தோழனாக்கிப்பார்பந்தங்களிலிருந்து உன்னை விடுபட வைக்கின்றேன்.
8.எனக்காக கண்ணீர் விட்டுப்பார், உன்னை ஆனந்தக்கண்ணீரில் மிதக்க வைக்கிறேன்.
9.எனக்காக எதையும் செய்யதயாராகிரு.உன்னை மிகவும் உயர்ந்த மனிதனாக ஆக்குவேன்.
10.என்னுடைய பாதையில் நடந்து பார்.உன்னை அமைதியின் தூதுவராக்குகிறேன்.
11.உன்னை நீ தியாகம் செய்து பார்.சம்சாரம் எனும் கடலிலிருந்து உன்னைமீட்டுக் கொடுக்கிறேன்.
12.நீ என்னவன் ஆகிப்பார்.எல்லோரையும் உனக்கி சொந்தமாக்குகிறேன்

simple difference village and town

#‎கிராமமும்_நகரமும்‬.....

வெற்றிலை பாக்கு போட்டால் கிராமத்தான்

பீடா போட்டால் நகரத்தான்

பச்சை குத்தினால் கிராமத்தான்

டாட்டூ போட்டு கொண்டால் நகரத்தான்

மருதாணி வைத்துக் கொண்டால் கிராமம்

மெஹந்தி என்றால் நகரம்

90களில் மஞ்ச பச்சை சட்டை போட்டா அவன் கிராமம்

2015ல் மஞ்சள் பச்சை சட்டை போட்டால் நகரம்

மங்களமான மதுரை மஞ்சப்பை என்றால் கிராமம்

மண்ணை மலடாக்கும் பாலித்தீன் என்றால் நகரம்

தன் மனைவியை நண்பர்களுக்கு அறிமுகம் செய்தால் கிராமம்

மனைவி அவள் நண்பா்களை அறிமுகம் செய்தால் நகரம்

கிழிந்த ஆடை போட்டால் கிராமம்

நல்ல ஆடையை கிழித்து போட்டால் நகரம்

உதவிக்கு மிதிவண்டி இருந்தால் கிராமம்

உடம்பைக் குறைக்க மிதிவண்டி இருந்தால் நகரம்

கோடு போட்ட அண்டர் வேர் தெரிந்தால் அவன் கிராமம்

இடுப்பு ஜட்டி தெரிய பேன்ட் அணிந்தால் அவன் நகரம்..

எது நாகரீகம் எது ஆரோக்கியம்.....

Fundamental Rights

Fundamental Rights
Fundamental Rights is a charter of rights contained in the past three Constitution of India. It guarantees civil liberties such that all Indians can lead their lives in peace and harmony as citizens of India. These include individual rights common to most liberal democracies, such as equality before law, freedom of speech and expression, and peaceful assembly, freedom to practice religion, and the right to constitutional remedies for the protection of civil rights by means of writs such as habeas corpus. Violation of these rights result in punishments as prescribed in the Indian Penal Code or other special laws, subject to discretion of the judiciary. The Fundamental Rights are defined as basic human freedoms that every Indian citizen has the right to enjoy for a proper and harmonious development of personality. These rights universally apply to all citizens, irrespective of race, place of birth, religion, caste or gender. Aliens (persons who are not citizens) are also considered in matters like equality before law. They are enforceable by the courts, subject to certain restrictions. The Rights have their origins in many sources, including England's Bill of Rights, the United States Bill of Rights and France's Declaration of the Rights of Man.
The seven fundamental rights recognized by the Indian constitution are
1. Right to equality: Which includes equality before law, prohibition of discrimination on grounds of religion, race, caste, gender or place of birth, and equality of opportunity in matters of employment, abolition of untouchability and abolition of titles.
2. Right to freedom: Which includes freedom of speech and expression, assembly, association or union or cooperatives, movement, residence, and right to practice any profession or occupation (some of these rights are subject to security of the State, friendly relations with foreign countries, public order, decency or morality), right to life and liberty, protection in respect to conviction in offences and protection against arrest and detention in certain cases.
3. Right against exploitation: Which prohibits all forms of forced labour, child labour and traffic of human beings
4. Right to freedom of religion: Which includes freedom of conscience and free profession, practice, and propagation of religion, freedom to manage religious affairs, freedom from certain taxes and freedom from religious instructions in certain educational institutes.
5. Cultural and Educational rights: Preserve the right of any section of citizens to conserve their culture, language or script, and right of minorities to establish and administer educational institutions of their choice.
6. Right to constitutional remedies: Which is present for enforcement of Fundamental Rights.
7. Right to education: It is the latest addition to the fundamental rights

City life is false

'நகர வாழ்க்கையே பொய்யானது..!' - காரணம் சொல்லும் 'ஆடுகளம்' கிஷோர்! - Article Source
Vikatan EMagazine all credits - ஜெயக்குமார் & ப.சரவணகுமார்..

பத்தாயிரம் வகையான பாரம்பரிய நெல் ரகங்கள், ஆயிரக்கணக்கான சிறுதானிய ரகங்கள், லட்சக்கணக்கான மூலிகை வகைகள் என்று இந்தியாவின் இயற்கை செல்வங்கள் பெரியது. பசுமை புரட்சி அறிமுகப்படுத்தப்பட்ட பின் இதெல்லாம் தலைகீழ்.

உணவு உற்பத்திக்கு என்ன தேவையோ, அதை மட்டுமே விவசாயிகள் பயிர் செய்ய வேண்டிய கட்டாயம் ஏற்பட்டு விட்டது. நம் நாட்டின் சாண, இலை தழை உரங்களுக்கு பதிலாக, ரசாயன உரங்களையும், பூச்சிக்கொல்லிகளையும் கொட்டி உற்பத்தி பெருக்கம் நடந்தது. இதன் விளைவு கேன்சர், நீரிழிவு, ரத்த அழுத்தம் எல்லாம் சாதாரண நோய்களாகி விட்டன. பசுமை புரட்சியின் தழும்புகளே இன்னும் மறையவில்லை.

தற்போது விவசாயிகளை குபேரன்களாக்கும் மரபணு மாற்று விதைகளை கொண்டு வர முயற்சிகள் நடந்து வருகிறது. ஏற்கனவே மரபணு மாற்று பருத்தி விதைகள் அறிமுகப்படுத்தபட்டதில் விதர்பா பகுதியில் நடந்த விவசாயிகளின் தற்கொலைகளை நாடே அறியும். அடுத்து உருளைக்கிழங்கு, தக்காளி, கத்திரி உள்ளிட்ட 14 வகையான பயிர்களுக்கும் மரபணு மாற்று விதைகள் கொண்டுவர முயற்சிகள் நடந்து கொண்டிருக்கிறது. இதற்கு அரசுகளும் தலையாட்டி பொம்மைகளாக செயல்பட்டு வருகிறது.

இந்நிலையில், நாடு முழுவதும் கடந்த சனிக்கிழமை மரபணு மாற்று விதைகளுக்கு எதிராக போராட்டங்கள் நடைபெற்றது. சென்னை, தி.நகர் தக்கர்பாபா வித்யாலயாவில் பாரம்பரிய விதை திருவிழா நடைபெற்றது. இதில் ஒரு அங்கமாக மான்சாண்டோ விதைகளுக்கு எதிராகவும், பாரம்பரிய விதைகளை போற்றும் விதமாகவும் சிறப்பு பேச்சரங்கமும், கண்காட்சியும், உணவு திருவிழாவும் நடைபெற்றது.

சிறப்பு அழைப்பாளராக கலந்து கொண்டு பேசிய நடிகர் ‘ஆடுகளம்’ கிஷோர், "நாம் எதுக்காக உழைக்கிறோம். நம்ம குழந்தைகளுக்காகவும், சாப்பாட்டுக்காகவும்தான். அந்த சாப்பாடு ஏன் நல்ல உணவாக இருக்கக் கூடாது. நிலைத்த நீடித்த உணவு பழக்கங்களை நாம் கைகொள்ள வேண்டிய கட்டாயத்தில் இருக்கிறோம். சின்ன விவசாயிகள் ஒன்றுகூடி நம்மோட பாரம்பரிய விதைகளை காப்பாற்றிக் கொள்ள வேண்டிய தருணம் இது" என்று பேசி, மேடையிலிருந்து இறங்கியவரிடம் இயற்கை விவசாயம் குறித்து பேசினோம்.

மிகுந்த ஆர்வமாக அவர் நமக்கு அளித்த பேட்டி இங்கே...
மான்சாண்டோ நிறுவனத்துக்கு ஏன் இவ்ளோ எதிர்ப்பு காட்டுறீங்க?

வியட்நாம் போர் நடந்துட்டு இருந்தபோது, 'ஏஜெண்ட்-ஆரஞ்சு' என்ற பேர்ல அமெரிக்க போர் விமானங்கள் மூலமா பூச்சிக்கொல்லிகள், களைக்கொல்லிகள் வடக்கு வியட்நாமில் உள்ள வனங்கள், விவசாய நிலங்கள் மீது தெளிக்கப்பட்டது. அப்போது பயன்படுத்தப்பட்ட களைக்கொல்லிகளோட அளவு 4.9 மில்லியன் காலன். இதை 4.5 மில்லியன் ஏக்கர் நிலங்கள் மீது தெளிச்சு அழிச்சாங்க. இன்னைக்கும் இதோட பாதிப்பு வியட்நாம் மக்களை கேன்சர், கருக்கலைதல், உடல் ஊனம் என்று பாதித்து வருகிறது. இதற்கான மருந்துகளை தயார் செய்து கொடுத்தது மான்சாண்டோ நிறுவனம். அதில் மீந்துபோன மருந்துகளை உலகத்துக்கே விற்பனை செய்தது. அப்படிப்பட்ட நிறுவனம் இப்போது இந்தியாவில் மரபணு மாற்று விதைகளை விற்க இறங்கியிருக்கிறது.
எதனால் மரபணு மாற்று விதைகள் வேண்டாம் என்கிறீர்கள்?

ஜி.எம். சீட்ஸ் (மரபணு மாற்று விதைகள்) மண்ணுக்கும் நல்லதல்ல. அதை உண்போரின் உடலுக்கும் நல்லதல்ல. விவசாயிகளுக்கு பொருளாதார ரீதியாகவும் வருமானமில்லை. பிறகெதற்கு அதை கொண்டுவர வேண்டும். அதிக பூச்சிக்கொல்லிகள் தெளித்து உணவு உற்பத்தி செய்யப்படுகிறது. பூச்சிக்கொல்லி தெளிக்கிறவங்களுக்கும் நோய் வருகிறது. சாப்பிடுறவங்களுக்கும் நோய் வருகிறது. நோய் வந்தால் பெரும் முதலாளிகள் நடத்துகிற மருத்துவமனைக்குத்தான் செல்கிறோம். அவர்கள் தயாரிக்கிற மருந்துகளைத்தான் பயன்படுத்துகிறோம். இப்படி எங்கே சென்றாலும் அவர்களுக்குத்தான் லாபம்.

மரபணு மாற்று பருத்தி விதைகள்தான் ஏற்கெனவே பயிரிடப்பட்டு வருகிறதே?

ஆமாம். கர்நாடக-மகாராஷ்ட்ரா எல்லைப் பகுதியில் அரேமல நாடு என்ற பகுதி, அடர்ந்த வனங்கள் சூழ்ந்த பல்லுயிர்கள் வாழும் பகுதி. இன்று அந்த பகுதியில் பருத்தி, மக்காச்சோளம்தான் முக்கிய பயிராக இருந்து வருகிறது. ஆனால், பல தாவரங்கள், பூச்சியினங்கள் அந்த பகுதிகளில் இன்று இல்லை. அதற்கு காரணம் தொடர்ந்து ஒரே வகையான பயிர்கள் (மோனோ கிராப்ஸ்) பயிரிடப்படுதல், பூச்சிக்கொல்லி தெளித்தலேயாகும். இந்த நிலையில், மரபணு மாற்று பயிர்கள் கொண்டு வரப்பட்டால், நாடு முழுவதும் ஒரே வகையான பயிர்கள்தான் இருக்கும். நாட்டின் பல்லுயிர் தன்மை அழியும்.

வெளிநாட்டு விதைகள் விவசாயிகளை கடனாளி ஆக்குமா?

நிச்சயமாக... முன்பெல்லாம் நம்மிடமே பாரம்பரிய விதைகள், நாட்டு மாடுகள் இருந்தது. விதைகள் முதற்கொண்டு எதையும் வெளியில் வாங்கமாட்டோம். ஒருவருக்கொருவர் பரிமாறிக் கொள்ளும் கலாச்சாரம் இருந்தது. கம்பெனி விதைகள் வந்தபிறகு எல்லாம் முடிந்து போய்விட்டது. அடுத்து அறிமுகப்படுத்தபோகும் மான்சாண்டோ விதைகளை ஒருமுறைதான் பயன்படுத்த முடியும். ஒவ்வொரு முறை பயிர் செய்யும்போதும், அவர்களிடம் வாங்கியாக வேண்டும். இது ஒரு கேப்டலிஸ்ட்டாக மாறிவிடும். நமது உரிமையை தாரை வார்ப்பது போன்றுதான் இது.

இதையெல்லாம் தடுக்க அரசுகளால் முடியாதா?

நம்மை ஆள்வோருக்கு இந்த விஷயங்கள் குறித்தான அறிவு குறைவு. மக்களுக்கு எது நல்லதுன்னு அவங்க யோசிக்கமாட்டாங்க. இன்னும் 40 சதவிகிதம் மக்கள் நகரங்களை தேடி வர வாய்ப்பிருக்குன்னு சொல்லி, அதற்கான வேலைகள நகரங்கள்ல செஞ்சிட்டு இருக்காங்க. அதே 40 சதவிகிதம் மக்களுக்கு அவங்க இருக்கிற இடங்கள்லே வேலைவாய்ப்பை உருவாக்க முடியாதா என்ன? எதுக்கு மக்களை நகரங்களை நோக்கி அழைச்சிட்டு வரணும்? இதுதான் மக்களை பத்தி அவங்க நினைக்கிறது.

ஏன் மக்கள் நகரத்தை நோக்கி வரக்கூடாது என்கிறீர்களா?

நகர வாழ்க்கை என்பதே பொய். இங்கே சந்தோஷமா வாழ்றதா நினைச்சுக்கிட்டு, எல்லோரும் வாழ்ந்துட்டு இருக்காங்க. தேவையில்லாத உணவு பழக்கங்கள் மக்களை சீரழிச்சிட்டு இருக்கு. நகரங்கள்ல எல்லாத்துக்கும் மத்தவங்கள நம்பிதான் வாழ்ந்து கொண்டிருக்கிறோம்.

முடிவாக என்ன சொல்ல வர்றீங்க?

நாம உழைப்பது, சம்பாதிப்பது எல்லாம் நம்முடைய உணவுக்காகவும், சந்ததிகளுக்காகத்தான். அவங்க நல்லா இருக்கணுங்கறதுக்காகத்தான் இவ்வளவையும் செய்றோம். அது ஏன் நல்லதா இருக்கக்கூடாது. நல்ல உணவு, நல்ல பழக்க வழக்கங்களாக இருக்கக்கூடாது. மேற்கத்திய உணவுகளையும், கலாச்சாரத்தையும் கத்துக் கொடுக்கிறதால யாருக்கு லாபம்? அந்த கேப்பிட்டலிஸ்டுக்குத்தானே.
உங்களுக்கு விவசாயத்தின் மீது ஆர்வம் வந்ததற்கு காரணம்?

விவசாய குடும்பத்தை சேர்ந்தவன் நான். நகரத்தில் குடியேறிவிட்டாலும், விவசாயத்தின் மீது ஆர்வம் இருக்கும். என் அம்மா வழி தாத்தா விவசாயத்தை பத்தி நிறைய சொல்லிக் கொடுத்திருக்காரு. பிறகு முதுநிலை பட்டப்படிப்பு முடித்த பிறகும்கூட பண்ணை வைக்கிறதுக்கு முயற்சி செஞ்சேன். இப்போது நிலம் வாங்கி என்னோட தேவைக்கு விவசாயம் செஞ்சிட்டு வர்றேன்.

பண்ணையில் என்ன மாதிரி விவசாயம் செஞ்சிட்டு வர்றீங்க?

பெங்களூரிலிருந்து 35 கி.மீ. தொலைவில் பண்ணை இருக்கு. இப்போது பழச் செடிகள், எள் இருக்கு. ராகி, தினை, கம்பு, சோளம் போன்ற பயிர்களை பயிர் செஞ்சிட்டு வர்றோம். ‘பேக் பப்பல்லோ’ என்ற அமைப்பின் மூலமா சுமார் 25 சிறு விவசாயிகளை இணைச்சு விளைபொருட்களை பெங்களூரு சிட்டியில் விற்பனை செஞ்சிட்டு வர்றோம். பண்ணை சார்ந்த வேலைகளை மனைவி பாத்துக்கிறாங்க.

அதென்ன பேக் பப்பல்லோ?

"கிராமத்துல பாத்தீங்கன்னா நிறைய பேரு எருமை மேல உக்காந்துட்டு குஷியா போவாங்க. அதுவொரு சந்தோஷமான தருணம்கூட. எருமைன்னு சொன்னாலே கிராமம், விவசாயம் பற்றிய நினைவுகள கொண்டு வந்துடும். அதுக்காகத்தான் இந்த பேரு.

இயற்கை விவசாயம், கர்நாடகா, தமிழ்நாடு எங்கு சிறப்பாக இருக்குது?

தமிழ்நாடுதான். ஏன்னா, இங்க நம்மாழ்வாரோட பங்களிப்பு அதிகமா இருந்ததால, எல்லோருக்கும் இயற்கை விவசாயம்னா என்னான்னு தெரியுது. அங்க வட கர்நாடாகாவுல அதிகமாக இருக்கு. ஜீரோ பட்ஜெட் சுபாஷ் பாலேக்கர் ஆகியோரது பங்களிப்புகளால் படிப்படியா மாற்றங்கள் நடந்துட்டு வருது.

தற்போதே பாரம்பரிய ரகங்கள் அரிதாகத்தானே இருக்கு?

பெங்களூரு ஏர்போர்ட் பக்கத்துல நர்சரி நடத்திட்டு இருக்கிறவரு, பப்ளிமாஸ் கன்றுகள வித்துட்டு இருந்தாரு. நாங்க வாங்கி விளைவித்து சாப்பிட்டு இருக்கோம். இப்போ அவர் ஆப்பிள் கன்றுகள விற்பனை செய்றாரு. ஆப்பிள் கன்றுகள் சில பகுதிகள்லதான் விளையும். இருந்தாலும் விக்கிறாரு. நாம வெளியிலிருந்து புதுசா வர்ற எதையும் சீக்கிரத்துல ஏத்துக்க பழகிட்டோம். ஏன்னா, நம்மோட கல்விமுறை அப்படி. கியூபாவுல அவங்களுக்கு தேவையான காய்கறிகள மாடித்தோட்டங்கள்லேயே உற்பத்தி செஞ்சுக்கிறாங்க. இங்கேயும் நம் பாரம்பரிய விதைகளை மாடித் தோட்டங்கள்ல வளர்த்து நம்மோட விதைகளை பாதுகாக்கலாம். நம்மோட காய்கறி தேவைகளையும் நிறைவு செஞ்சுக்கலாம். விஷமில்லாத காய்கறிகளயும் உற்பத்தி செய்யலாம். ஆரோக்கியமான சூழலும் வீட்டில் இருக்கும்.

Finland is the first place in the best education in the world

உலகில் தலைசிறந்த கல்வியில் பின்லாந்து முதல் இடத்தில் உள்ளது அப்படி என்னதான் இருக்கிறது பின்லாந்து கல்வி முறையில் ?

பின்லாந்தில் ஏழு வயதில்தான் ஒரு குழந்lதை பள்ளிக்குச் செல்லத்
தொடங்குகிறது...

ஒன்றரை வயதில் ப்ளே ஸ்கூல்.., இரண்டரை வயதில் ப்ரீ-கே.ஜி.., மூன்று வயதில் எல்.கே.ஜி., நான்கு வயதில் யு.கே.ஜி என்ற சித்ரவதை அங்கே இல்லை...

கருவறையில் இருந்து வெளியில் வந்ததுமே குடுகுடுவென ஓடிச்சென்று பள்ளியில் உட்கார்ந்து கொள்ளும் எந்த அவசரமும் அவர்களுக்கு இல்லை...

எல்லா நேரமும் கற்றலுக்கான துடிப்புடன் இயங்கும் குழந்தையின் சின்னஞ்சிறு மூளை, தனது சுற்றத்தின் ஒவ்வோர் அசைவில் இருந்தும் ஒவ்வோர் ஒலியில் இருந்தும் கற்கிறது. இலை உதிர்வதும், செடி துளிர்ப்பதும், இசை ஒலிப்பதும், பறவை பறப்பதும் குழந்தைக்குக் கல்விதான்...

இவற்றில் இருந்து வேரோடு பிடுங்கி வகுப்பறைக்குள் நடுவதால், அறிவு அதிவேக வளர்ச்சி அடையும் என எண்ணுவது மூடநம்பிக்கை...

ஏழு வயதில் பள்ளிக்குச் செல்லும் பின்லாந்து குழந்தை, அடுத்த மூன்று ஆண்டுகளுக்கு கிட்டத்தட்ட ஆண்டின் பாதி நாட்கள்தான் பள்ளிக்கூடம் செல்கிறது. மீதி நாட்கள் விடுமுறை...

ஒவ்வொரு நாளும் பள்ளி இயங்கும் நேரமும் குறைவு தான். அந்த நேரத்திலும்கூட, படிப்புக்குக் கொடுக்கப்படும் அதே முக்கியத்துவம் இசை, ஓவியம், விளையாட்டு, மற்றும் பிற கலைகளுக்கும் முக்கியத்துவம் உண்டு...

ஒவ்வொரு பள்ளியிலும் ஓர் ஓய்வறை இருக்கும். படிக்கப் பிடிக்கவில்லை அல்லது சோர்வாக இருக்கிறது என்றால், மாணவர்கள் அங்கு சென்று ஓய்வு எடுக்கலாம்...

முக்கியமாக, 13 வயது வரை ரேங்கிங் என்ற தரம் பிரிக்கும் கலாசாரம் கிடையாது...
பிராக்ரசு ரிப்போர்ட் தந்து பெற்றோரிடம் கையெழுத்து வாங்கி வரச் சொல்லும் வன்முறை கிடையாது...

தங்கள் பிள்ளையின் கற்றல் திறன் குறித்து தெரிந்துகொள்ள வேண்டும் என பெற்றோர்கள் விரும்பினால், தனிப்பட்ட முறையில் விண்ணப்பித்துப் பெற்றுக்கொள்ளலாம்...

கற்றலில் போட்டி கிடையாது என்பதால், தேர்வுகளில் அதிக மதிப்பெண் எடுக்கும் மன உளைச்சல்கள் மாணவர்களுக்கு இல்லை...

சக மாணவர்களைப் போட்டியாளர்களாகக் கருதும் மனப்பாங்கும் இல்லை...

இவர்களுக்கு வீட்டுப்பாடம் தரப்படுவது இல்லை...

மாணவர்களுக்கு எந்தப் பாடம் பிடிக்கிறதோ அதில் இருந்து அவர்களே வீட்டுப்பாடம் செய்து வரலாம்...

ஒவ்வொரு பள்ளியிலும் ஒரு மருத்துவர் இருப்பார். அவர், மாணவர்களின் உடல்நிலையை தனிப்பட்ட முறையில் கவனித்து ஆலோசனைகள் வழங்குவார்...

ஒரு பள்ளியில் அதிகபட்சமாக 600 மாணவர்கள் இருக்கலாம்; அதற்கு அதிக எண்ணிக்கை கூடவே கூடாது...

முக்கியமாக பின்லாந்தில் தனியார் பள்ளிக்கூடமே கிடையாது. அங்கு கல்வி என்பது முழுக்க முழுக்க அரசின் வசம்...

கோடீசுவரராக இருந்தாலும், நடுத்தர வர்க்கத்தினராக இருந்தாலும், ஏழையாக இருந்தாலும்… அனைவரின் குழந்தைகளும் ஒரே பள்ளியில்தான் படிக்க வேண்டும்...
‘என் பொண்ணு இன்டர்நேசுனல் சுகூல்ல படிக்கிறா’ என சீன் போட முடியாது...

அனைவருக்கும் சம தரமுள்ள கல்வி என்ற உத்தரவாதம் உள்ளது...

அதனால்தான் பின்லாந்தில் 99 சதவிகிதம் குழந்தைகள் ஆரம்பக் கல்வியைப் பெற்றுவிடுகின்றனர்...

அதில் 94 சதவிகிதம் பேர் உயர்கல்விக்குச் செல்கின்றனர்... ‘டியூஷன்’என்ற அருவருப்பான கலாசாரம், அந்த நாட்டுக்கு அறிமுகமே இல்லை...

தேர்வுகளை அடிப்படை முறைகளாக இல்லாத இந்தக் கல்வி முறையில் பயின்றுவரும் மாணவர்கள்தான், உலகளாவிய அளவில் நடைபெறும் பல்வேறு தேர்வுகளில் முதல் இடங்களைப் பிடிக்கின்றனர்...

"இது எப்படி?" என்பது கல்வியாளர்களுக்கே புரியாத புதிர்...

அந்தப் புதிருக்கான விடையை, ஐ.நா சபையின் ஆய்வு முடிவு அவிழ்த்தது...

உலகிலேயே மகிழ்ச்சியாக இருக்கும் குழந்தைகள் பற்றிய தரவரிசை ஆய்வு ஒன்றை, ஐக்கிய நாடுகள் சபை ஒவ்வோர் ஆண்டும் வெளியிடுகிறது. இதில் பின்லாந்து எப்போதும் முன்னணியில் இருக்கிறது...

மகிழ்ச்சியின் நறுமணத்தில் திளைக்கும் குழந்தைகள், அறிவை ஆர்வத்துடன் சுவைப்பதில் புதிர் எதுவும் இல்லை...

பின்லாந்து கல்வி முறையின் இத்தகைய சிறப்புகள் குறித்து அறிந்து வருவதற்காக, உலகமெங்கும் உள்ள கல்வியாளர்களும், பிரதிநிதிகளும் அந்த நாட்டை நோக்கிக் குவிகின்றனர்...

உலகின் 56 நாடுகளில் இருந்து 15,000 பிரதிநிதிகள் ஒவ்வோர் ஆண்டும் செல்கின்றனர்...

நாட்டின் அந்நியச் செலாவணியில் கணிசமான சதவிகிதம் கல்விச் சுற்றுலாவின் மூலமே வருகிறது...

ஆனால், இப்படி தங்களை நோக்கி வீசப்படும் புகழ்மாலைகளை பின்லாந்தின் கல்வியாளர்களும் அமைச்சர்களும் ஓடோடி வந்து ஏந்திக்கொள்வது இல்லை...

அதற்கு அவர்கள் சொல்லும் காரணம், "‘பின்லாந்து கல்வி முறைதான் (Finnish Education system) உலகிலேயே சிறந்தது எனச் சொல்ல முடியாது... ஏனெனில் "OCED" அமைப்பின் ஆய்வில் எல்லா உலக நாடுகளும் பங்கேற்காத நிலையில் இப்படி ஒரு முடிவை ஏற்றுக் கொள்ள முடியாது...
எங்களைவிட சிறந்த கல்விமுறையும் இருக்க வாய்ப்பு உள்ளது"’ என்கிறார்கள்...

இல்லாத நாற்காலியைத் தேடி எடுத்து ஏறி அமர்ந்து, தனக்குத்தானே முடிசூட்டிக்கொள்ளும் தற்பெருமையாளர்கள் நிறைந்த உலகத்தில் இது பண்புமிக்க பார்வை...

மதிக்கத்தக்க மனநிலை.

பின்லாந்தில் ஆசிரியர் பணி என்பது, நம் ஊர் ஐ.ஏ.எஸ் ., ஐ.பி.எஸ் போல மிகுந்த சமூகக் கௌரவம் உடையது...

அரசின் கொள்கை வகுக்கும் முடிவுகளில், திட்டங்களின் செயலாக்கத்தில் ஆசிரியர்களுக்கு முக்கியப் பங்கு உண்டு...

மூன்றில் ஒரு பின்லாந்து குழந்தைக்கு, ஆசிரியர் ஆவதுதான் தன் வாழ் நாள் லட்சியம்...

அதே நேரம் அங்கு ஆசிரியர் ஆவது அத்தனை சுலபம் அல்ல!..

மேல்நிலை வகுப்பில் சிறந்து விளங்கும் மாணவர்களில் இருந்து ஆசிரியர் பயிற்சிக்கு மாணவர்கள் தேர்வு செய்யப்படுகின்றனர்...

ஐந்து ஆண்டுகள் உண்டு, உறைவிடப் பள்ளிகளில் சேர்ந்து கடும் பயிற்சி எடுக்க வேண்டும்...

பிறகு, ஆறு மாத காலம் ராணுவப் பயிற்சி...

ஒரு வருடத்துக்கு வெவ்வேறு பள்ளிகளில் நேரடியாக வகுப்பறையில் ஆசிரியர் பயிற்சி...

ஏதாவது ஒரு பாடத்தில் புராசெக்ட்...
குழந்தை உரிமைப் பயிலரங்கங்களில் பங்கேற்பது...
நாட்டின் சட்டத் திட்டங்கள் குறித்த தெளிவுக்காக தேசிய அமைப்புகளிடம் இருந்து சான்றிதழ்...
தீயணைப்பு, தற்காப்புப் பயிற்சி, முதலுதவி செய்வதற்கான மருத்துவச் சான்று… என ஆசிரியர் பயிற்சிக்கு சுமார் ஏழு வருடங்களைச் செலவிட வேண்டும்...

இப்படி ஆசிரியர்களை உருவாக்கும் விதத்தில் பின்லாந்து மேற்கொள்ளும் சமரசம் இல்லாத முயற்சிகள்தான், அங்கு கல்வியில் மாபெரும் மறுமலர்ச்சியை உருவாக்கி இருக்கிறது!...

இப்போது நாம் அனைவரும் சிந்திக்க வேண்டிய தருணம் இது...

பெற்றோர்கள், கல்வியாளர்கள், கல்வி நிறுவனங்கள், ஆட்சியாளர்கள் அனைவரும் ஒருங்கிணைந்து செயல்பட வேண்டிய நேரம் இது...

குழந்தைகள் வளர்ப்பில் நாம் தான் கற்றுக் கொள்ள வேண்டியது அதிகம் இருக்கிறது...

முதலில், பிள்ளைகளுக்கு நல்ல சிந்தனைகளை ஏற்படுத்துங்கள்!...

ஒரு குழந்தையைவிட நாம் உயர்ந்தவர் என்று நினைக்காதீர்கள்….

01. பிள்ளைகள் எதாவது செய்தால் எப்போதும் குறை கூறுதல், அவர்கள் பாராட்டும்படி செய்தாலும் கண்டு கொள்ளாதிருத்தல் போன்ற செயல்களை பலர் செய்கிறார்கள் இதனால் பிள்ளைகளின் மன வளர்ச்சி குன்றும்.

02. எந்தக் குழந்தையும் பின்னால் எப்படி ஆகுமென எவருமே கூற முடியாது. மூடன், அறிவாளியாகலாம்... பைத்தியம், தெளிந்த சித்தமுடையவனாகலாம்... ஆகவே பிள்ளைகளை ஒருகாலமும் தப்பாக மட்டும்கட்டி அலட்சியம் செய்யக் கூடாது.

03. தாமஸ் ஆல்வா எடிசனை மரமண்டை என்று பாடசாலையில் இருந்து வெளியேற்றப்பட்டவர் பின்னாளில் ஆயிரம் கண்டு பிடிப்புக்களுக்கு அவரே அதிபதி.

04. லூயி பாஸ்டியர் சராசரி மாணவனாக பாடசாலையில் இருந்தவர் பின்னாளில் நோபல் பரிசு வாங்கினார்.

05. ஆல்பிரட் ஐன்ஸ்டைனை, அவர் ஆசிரியர், "இவனை போன்ற மூளை அழுகிய மாணவனை நான் பார்த்ததே இல்லை" என்றார் அவர் ஆசிரியர் ஆனால் அவரே 20 ம் நூற்றாண்டின் அதி சிறந்த விஞ்ஞானியானார்.

06. குழந்தைகளுடன் ஒரு நாளில் சிறிது நேரமாவது பேசுங்கள், நல்லதைப் பேசுங்கள் கனிவுடன் பேசுங்கள். அவர்கள் குறைகளைப் பற்றி அதிக நேரம் பேசாதீர்கள் நிறைகளை பற்றிப் பேசுங்கள்.

07. பிள்ளைகளுடன் யாரையும் ஒப்பிட்டு பேசாதீர்கள், அவன் அவனே.. நீங்கள் நீங்களே.. நீங்களே முன்னுதாரணமாக இருங்கள். உங்களைப் பார்த்து அவர்கள் கற்றுக்கொள்வார்கள்.

08. வாழ்வில் வெற்றிபெற்றவரைப்பற்றி பேசுங்கள், ஒவ்வொரு துறையிலும் சிறந்தவர்களைப்பற்றி பேசுங்கள்.

09. எப்படி இருக்கக் கூடாது என்று ஒப்பிட்டு பேசுவதைவிட எப்படி இருக்க வேண்டுமென ஒரு முன்னுதாரண மனிதரைப்பற்றிப் பேசுங்கள்.

10. பிள்ளைகளுக்கு வீட்டுக்குள் விலங்கிடாதீர்கள் வீடு ஒரு சிறைச்சாலைக் கூடமல்ல மனிதர்களை தோற்றுவிக்கும் கோயில்.

11. நல்ல மேற்கோள்களை கொடுங்கள், சுதந்திரம் கொடுத்து, கட்டாயப்படுத்தி வழிக்குக் கொண்டு வாருங்கள்.

12. மலர் தூவியுள்ள பாதையைப்பற்றி பிள்ளைகளுக்கு சொன்னால் அவர்கள் முள் நிறைந்த பாதையை புரிந்து கொள்வார்கள்.

13. உழைப்பைப்பற்றி சொல்லிக் கொடுங்கள் அவர்கள் உழைப்பில்லாத கேடுகளை புரிந்துகொள்வார்கள்.

14. வெற்றி பெற்றவர்களை சொல்லும்போது தோல்வியின் காரணங்களை அவன் அறிந்து கொள்வான்.

15. சுறு சுறுப்பை சொல்லிக் கொடுத்தால் அவன் சோம்பலை அடையாளம் காண்பான், விதியை வென்றவர்களை சொல்லும்போது அவன் வேதனையில் நொந்து அழிந்தவர்களை கண்டு கொள்வான் – இது போதும்...

முதலில் நாம் மாற வேண்டும்.

மனம் இருந்தால் மார்க்கம் உண்டு...

மாற்றம் ஒன்றே மாறாதது...

நல்ல மாற்றம் தான் வளர்ச்சியை தரும்.

பின்லாந்தின் கல்விமுறையிலிருந்து நாம் கற்றுக் கொண்டு மாறுவோம்!.

குழந்தைகளின் எதிர்காலத்தைப் சிறப்பாக மாற்றுவோம்!.

funny information 01

1. இந்தியா மூன்று பக்கம் ஊழலாலும்,ஒரு பக்கம் கடனாலும் சூழப்பட்ட நாடு...
2. தோசை கல்லு உள்ளே இருந்தால்உயர்தர ஹோட்டல்.. வெளியே இருந்தால் சாதா ஹோட்டல்..
3. வாக்கிங் போறது எளிதானது தான்... வாக்கிங் போக எந்திரிக்கிறது தான் கஸ்டமானது..
4. உலகத்துலயே ஸ்பீட் பிரேக் ஓரத்துல ஒரு பாதையை உருவாக்கி அதுல வண்டி ஓட்டுற டெக்னிக் நம்மள தவிர யாருக்கும் வராது..
5. கீழே விழுந்ததும் அடிபடவில்லை என்பதை விட, யாரும் பார்க்கவில்லை என்பதே நிம்மதி..
6. மதம் மாறினால் தான் கடவுள் ஆசீர்வதிப்பார் என்றால் உண்மையில் அவர் கடவுள் இல்லை, கட்சித் தலைவர்..
7. ப்யூட்டி பார்லர் போன மறுநாளே ஐஸ்வர்யா ராய் போல ஃபீல் பன்னுவாங்க பெண்கள்.. ஜிம்முக்கு போன அன்னிக்கே அர்னால்டு போல ஃபீல் பன்னுவாங்க ஆண்கள்..
8. இந்த ஜெனரேஷன்ல ஆல்கஹாலுக்கு அடிமையானவன விட ஆன்ட்ராய்டுக்கு அடிமையானவன்தான் ஜாஸ்த்தி.
9. பால்விலை கூடுனது கூட கவலயா தெரில...டீக்கடைல டீ விலைய எப்ப கூட்ட போறாங்கேனுதான் திக் திக்குனு இருக்கு ... # டெய்லி நாலு டீ குடிப்போர் சங்கம
10. ஃபேஸ்புக் டுவிட்டர் பக்கமெல்லாம் வராதவர்கள் தன் வாழ்க்கையில் முன்னேறிக் கொண்டிருக்கிறார்கள் என்று அர்த்தம
11. இப்பெல்லாம் ஏ.டி.எம்-இல் பணம் எடுத்தவுடன் பணத்தை எண்ணுவதற்கு முன்பு, இது எத்தனையாவது முறை பணம் எடுக்கிறோம் என்று தான் எண்ணுகிறோம
12. ATM - Anju Time Mattum (அஞ்சு டைம் மட்டும்)
13. குழந்தைங்க நம்மகிட்ட கதை கேட்டதெல்லாம் அந்தக்காலம்.. இப்பல்லாம், 'ஏன் ஹோம்வொர்க் செய்யல?'னு கேட்டா அதுங்களே கதைகதையா சொல்லுதுங்க..
14. கிணத்த தூர்வாருவோம்னு கெளம்புனாங்கெ!! இப்ப கெணத்தகாணோம்னு சொல்றாங்கெ!! இவனுகளே மண்ண போட்டு மெத்திருப்பானுகளோ!! # 300பேரின் சுவிஸ் பணம் மாயம்!!
15. காய்கறி விலை மளமளவென உயர்ந்துவரும் நிலையில், கீரை விலை ஏறாமல் சில்லறயில் கிடைப்பது, நம் உடல் ஆரோக்கியத்துக்கு கொடுக்கப்பட்டிருக்கும் கடைசி வாய்ப்பு..
16. ஆபிஸ் போற அன்னைக்குலாம் 9 மணி வரைக்கும் தூக்கம் வரும் சண்டே மட்டும் ஏழு மணிக்கு மேல வராது # விதி
17. பியூட்டி பார்லர்க்கும் ஃபுல்லா மேக்அப் போட்டு தான் போகனுமா? என்னம்மா இப்படி பண்றிங்களேமா
18. தூய்மை இந்தியாதிட்டம்!! தேவையான பொருட்கள்: வெளக்கமாறு 1 கேமரா 4
19. மின்கட்டணத்தை உயர்த்தக்கூடாது என சென்னை உயர்நீதிமன்றம் உத்தரவு... # அப்டியே நெட் கட்டணத்தயும் உயர்த்தகூடாதுன்னு உத்தரவு போட்ருங்கயா....
20. உங்களுக்கு துன்பம் வருகையில் ..உங்கள் சொந்தங்களும் ..நண்பர்களும் ..உங்களுக்கு. பின் நிற்பார்கள் .....
சந்தேகம் இருந்தால்...உங்கள் திருமண ஆல்பத்தை பாருங்கள் ...